19.01.2018

         Şəhidlər ölməz, Vətən bölünməz!

     19 yanvar 2018-ci ildə K. Nəsirov adına Əlinəzərli kənd 1 nömrəli tam orta məktəbində 20 yanvar faciəsinin 28-ci il dönümünə həsr olunmuş tədbir keçirildi. Tədbirdə məktəb rəhbərliyi və bütün pedaqoji heyət iştirak etdi. Məktəbin təşkilatçısı Feyziyeva Nəzakət tədbiri açıq elan etdi.          Azərbaycan Respublikasının Dövlət himni ifa edildikdən sonra, Azərbaycan Respublikasının müstəqilliyi və bütövlüyü uğrunda şəhid olan şəhidlərimizin və ulu öndər Heydər Əliyevin xatirəsi bir dəqiqəlik sükutla yad edildi. Tarix müəllimi Ülkər Gülməmmədova yanvar faciəsinin tarixi səbəbləri, zəmin, Bakıya hücum, Qara yanvar qurbanları, xalqımızın əzmkarlığı, birliyi, mənəvi dəyərləri və müstəqillik haqqında tədbir iştirakçılarına ətraflı məlumat verdi. Sonra hərbi rəhbər Kamil Allahverdiyev yanvar faciəsi zamanı hücumun gedişatı və Coğrafiya müəllimi Pərviz Həsənli beynəlxalq reaksiyalar mövzusunda çıxış etdilər.
  Şagirdlər bu mövzuda bayatılar, şeirlər söylədilər.
  Tədbirin sonunda qərara alındı ki, xocalı faciəsinə qədər məktəb şagirdləri mərhələlərlə “Cərcis” peyğəmbər ziyarətgahı ətrafında yerləşən “Şəhidlər məzarlığını ”nı ziyarət etsinlər.

   Həmin müddət ərzində vətənpərvərlik və şəhidlər mövzusunda inşa və rəsm müsabiqələri elan olunsun. Sonda mövzu üzrə fərqlənən şagirdlər rəğbətləndirilsinlər, onların əl işlərindən ibarət sərgilər təşkil edilərək faciə qurbanları və şəhidlərimiz yad edilsin.

   Şəhidlik zirvədir, ondan yüksək zirvə yoxdur. Onlar vətənin timsalıdır. Vətən, uğrunda ölən varsa ,     Vətəndir! Şüarları ilə tədbir qapalı elan olundu. 

Vətənimizin, müstəqilliyimizin qəhraman övladları, Allahdan sizlərə rəhmət diləyirik!
Nur içində yatasız!


Açar sözlər: ,  ,  ,